Putin Əsəd rejimini qorumaq üçün Ukraynadakı suriyalı muzdluları azad etməyib

Kreml rəhbəri Suriyanın nizami ordusuna kömək etmək üçün suriyalı muzdluları belə Ukraynadan buraxmayıb.

Poliqon xəbər verir ki, Milli Müqavimət Mərkəzinin məlumatına görə, Əsəd Putinə Ukraynadakı müharibədə iştirak edən suriyalıların azad edilməsi, eləcə də hərbi yardım göstərilməsi xahişi ilə müraciət edib. Rusiya Federasiyasının başçısı müttəfiqindən imtina edib və Suriyanı faktiki olaraq itirib.

Milli Müqavimət Mərkəzi xatırladıb ki, Putin Ukraynada cəbhədə ən azı müəyyən uğur əldə etmək üçün müttəfiqlərinə ilk dəfə xəyanət etmir. O, bundan əvvəl də analoji addımlar atıb.

"Putinin hakimiyyətinin nəticəsi Rusiyanın tam təcrid olunması və onun zəif regional dövlətə çevrilməsi olacaq. İmperiyanın tənəzzülü məhz Putin və onun ətrafının Ukraynanı zəbt etmək üçün çılğın istəkləri ucbatından başlayıb. Bununla belə, onlar da buna nail ola bilməyəcəklər", deyə "Milli Müqavimət Mərkəzi vurğulayıb.

Qeyd edək ki, dekabrın 8-də Suriya dövlət televiziyası Suriya lideri Bəşər Əsəd rejiminin süqutunu elan edib. Telekanal "böyük Suriya inqilabının qələbəsi və Əsədin cinayətkar rejiminin devrildiyini" elan edib.

Kreml Əsədin Rusiyadan sığınacaq aldığını təsdiqləyib.

Poliqon.info