Kallas: Ukrayna ilə bağlı Rusiyaya verilən 50 gün çox uzun müddətdir…

Avropa İttifaqının xarici siyasət və təhlükəsizlik məsələləri üzrə yeni ali nümayəndəsi Kaya Kallas ABŞ Prezidenti Donald Trampın Ukraynadakı münaqişəyə dair həll yolu tapılması üçün verdiyi 50 günlük müddəti “çox uzun” adlandırıb.

Poliqon xəbər verir ki, Kallasın çıxışının tam mətni Avropa Komissiyasının rəsmi saytında dərc olunub.

“Bir tərəfdən, Trampın Rusiya ilə bağlı sərt mövqeyi müsbət haldır. Digər tərəfdən isə 50 gün bu, çox uzun müddətdir,” deyə Kallas qeyd edib.

Qeyd edək ki, iyulun 14-də ABŞ Prezidenti Donald Tramp Ukrayna böhranı ilə bağlı bəyanat verərək Avropa müttəfiqlərinin vəsaiti hesabına Kiyevə silah göndərməyə başlayacağını və əgər 50 gün ərzində Ukraynada sülh əldə olunmasa, Rusiya və onun ticarət tərəfdaşlarına qarşı 100%-lik “çox sərt” tariflər tətbiq edəcəyini açıqlayıb.

Poliqon.info