Suriya hökuməti zəlzələ ilə əlaqədar ölkə daxilində qatarların hərəkətini dayandırıb…
PİA.az xarici mətbuata əsasən xəbər verir ki, ölkənin Nəqliyyat Nazirliyinin mətbuat xidməti fevralın 6-da bildirib ki, ölkədəki dəmir yollarını yoxlamaq üçün bütün Suriya ərazisində qatarların hərəkəti dayandırılıb.
Qeyd olunur ki, zəlzələdən sonra dəmir yolu relslərinin vəziyyətini öyrənmək üçün bütün ölkədə yollar yoxlanılır.
Səhər saatlarında verilən xəbərdə bildirilirdi ki, Suriya höküməti ancaq ölkənin şimalında qatarların hərəkətini dayandırıb.
Xatırladaq ki, fevralın 6-na keçən gecə Türkiyənin cənubunda zəlzələ baş verib. Zəlzələnin episentri respublikanın cənub-şərqində olub. Nəticədə yüzlərlə bina dağılıb.
Suriyada ölənlərin sayı 200-ü keçib, bir neçə min adam yaralanıb.
pia.az