Çeçenistan rəhbəri Xarkov və Odessanı işğal etməyin nə üçün vacib olduğunu izah edib...
“Ukraynada həyata keçirilən “xüsusi hərbi əməliyyat” çərçivəsində Odessa və Xarkovu almaq zəruridir”.
Poliqon.info xəbər verir ki, bunu Çeçenistan Respublikasının rəhbəri Ramzan Kadırov “Rossiya 1” telekanalının “60 dəqiqə” proqramına müsahibəsində deyib.
“Bu, Rusiyanın təhlükəsizliyini təmin etməyə imkan verəcək”, deyə Çeçenistan lideri Xarkov və Odessanın işğalı ilə bağlı öz fikirlərini izah edərkən deyib..
Ramzan Kadırov həmçinin onu da bildirib ki, komandanlıqdan əmr olarsa, Rusiya Silahlı Qüvvələri Kiyevə qədər gedəcəklər. Çeçen lider öz tamaşaçılarını əmin edib ki, Rusiya ordusunun bütün bölmələri Ukrayna paytaxtına qarşı yeni hücum əməliyyatında iştirak etməyə hazırdır.
Poliqon.info