"Sülh planı həyata keçiriləndən sonra xəritə belə olacaq".
PİA.az konkret.az-a istinadən bildirir ki, bunu erməni ictimai xadim Qaqik Vardanyan yazıb. Vardanyan amerikalı tarixçi və diplomat Jirayr Liparityanın Ermənistana etdiyi səfərə münasibət bildirib.
Erməni fəal diplomatın sözlərinə diqqət çəkib. Qeyd edək ki, Jirayr Liparityan deyib ki: "ABŞ və Fransa bizim üçün "dürüst sözlərlə" sülh istəyirlər. Amma sülhün altında heç nə yoxdur. Beynəlxalq strukturlar heç nə edə bilmir. Artıq beynəlxalq sistem yoxdur. Sovet, NATO vəziyyəti yoxdur, görürsən, nə qədər ölkə qanunlara tabe olmur".
Qaqik Vardanyan onun səfərinin əsas məqsədini belə təhlil edib.
"Əslində onun əsas mesajı belədir: "Sülh planı bizim planımız olmalıdır. Çünki bizim alternativimiz yoxdur. Bizim plan belədir: ya indi əldə edə biləcəyimizlə razılaşırıq, ya da onlar bunu müharibə yolu ilə almalı olacaqlar".
"Deyilənlər, ehtimal ki, ermənilərin bölgədən qovulmasının 1-ci mərhələsinə aiddir.
Doğrudan da, bu mərhələni müharibəsiz, itkisiz başa vurmaq arzuolunandır. Əgər bəziləri Liparityanın şəxsi adam olduğunu düşünürsə, deməli, dəhşətli dərəcədə yanılırlar...
Deməli, qərar verilib. Ermənilər ölüm-dirim seçimi qarşısındadırlar. Nəticə eyni olacaq.
Liparityan 2-ci mərhələ haqqında heç nə deməyib, eyham vurub: "Birinci müharibə zamanı biz 700 min insanı didərgin saldıq. Bu haqda heç danışırıqmı? Nə onlar etdikləri barədə danışmırlar, nə də biz. Bunun izahı belədir: bizim etdiklərimiz, hesab edirik ki, düzgündür. İnsanın əxlaqi mühakiməsi ilə siyasi mühakimə arasındakı fərq budur".
Onun dahiyanə fikri ondan ibarətdir ki, ikinci mərhələdə hələ də Ermənistanın qalan hissəsində israrla yaşayan ermənilər ya köçürüləcək, ya da özləri köçəcəklər.
Bir sözlə, Liparityan müdrik mühakimə yürüdür və daha da müdrik məsləhətlər verir.
P.S. Qədimdə bir elçi bəd xəbər gətirəndə padşah onun başını kəsməyi əmr edir. Anlaşılmaz ədəbdir. Elçinin nə günahı var?
Liparityanı heç nədə ittiham etmək olmaz. O, öz mühakimələrini hadisələrin vəziyyətinə əsasən qurur", - deyə Vardanyan bildirib.
pia.az