Ukrayna prezidenti Volodimir Zelenski bildirib ki, heç bir NATO ölkəsini müharibəyə cəlb etməyi planlaşdırmır...
Dövlət başçısının sözlərinə görə, Ukrayna da başa düşür ki, müharibə bitənə qədər NATO-ya üzv ola bilməyəcək.
Poliqon Unian nəşrinə istinadən xəbər verir ki, Zelenski bu barədə Kiyevdə keçirdiyi brifinqdə bildirib.
“Biz NATO-ya əvəz, alternativ axtarmırıq... Mənə misal göstərin ki, bu gün hansı NATO ölkəsi Rusiya ilə müharibə aparır və ya hazırda Rusiya qoşunları hansı ölkənin ərazisindədir?”, deyə Zelenski bildirib.
Prezident həmçinin vurğulayıb ki, bu müharibə davam etdiyi müddətdə Ukrayna NATO-ya üzv olmayacaq: "İstəmədiyimiz üçün yox, mümkün olmadığı üçün... Biz adekvat insanlarıq və başa düşürük ki, NATO ölkələrindən heç birini müharibəyə sürükləməyəcəyik”.
Onun sözlərinə görə, hazırda Ukraynanın NATO ölkələrindən aldığı təhlükəsizlik zəmanətləri, o cümlədən sanksiyalar, maliyyə zəmanətləri və silahlar Ukrayna NATO-ya üzv olana qədər qüvvədə olmalıdır.
Poliqon.info