Ukrayna Silahlı Qüvvələrinin quru qoşunlarının rəhbəri Baxmut bölgəsində əks-hücum əməliyyatını dolayısı ilə təsdiqləyib...
Poliqon xəbər verir ki, bu gün Rusiya Müdafiə Nazirliyi və Rusiya hərbi jurnalistləri Ukrayna Silahlı Qüvvələri Cənubi Donetsk istiqamətində əks-hücum əməliyyatına başladığını bildiriblər. Bu gün Ukrayna Silahlı Qüvvələrinin Quru Qoşunlarının komandanı Aleksandr Sırski də Baxmut istiqamətində Ukrayna ordusunun “irəli hərəkət etdiyini” elan edib.
Qeyd edək ki. bazar ertəsi gecə Rusiya Müdafiə Nazirliyi Ukrayna Silahlı Qüvvələrinin Cənubi Donetsk istiqamətində “genişmiqyaslı hücuma” başladığı barədə məlumat yayıb. Nazirlik “düşmənin qarşısına qoyduğu tapşırıqlara nail olmadığını” iddia edərək, Ukrayna ordusunun yüksək itki verdiyini də açıqlayıb.
Bununla belə, rusiyayönlü hərbi bloggerlər Ukrayna ordusunun hücumunun “müəyyən uğurla müşayiət olunduğunu” və vəziyyətin “narahatedici” olduğunu yazır. Semyon Peqovun “WarGonzo” telegram kanalının məlumatına görə, Ukrayna Silahlı Qüvvələri Donetsk vilayətinin qərbində Velyka Novoselovka və Uqledar arasındakı əraziyə hücum edirlər. O cümlədən Ukrayna hərbçiləri Uqledar yaxınlığındakı Novodonetsk ətrafına daxil ola biliblər. Vladimir Putinin “DXR” üzrə Rosqvardiya departamentinin rəis müavini vəzifəsinə təyin etdiyi Aleksandr Xodakovski teleqarm kanalında iddia edir ki, Ukrayna Silahlı Qüvvələrinin zərbə qrupu Rusiyanın məhdud imkanları səbəbindən demək olar ki, hiss olunmadan rusların müdafiə xəttinə çatıb.
“Komsomolskaya Pravda”nın hərbi jurnalisti Aleksandr Kots da Uqledarın qərbindəki hücumdan yazıb. O, həmçinin bildirir ki, Ukrayna Silahlı Qüvvələri Baxmut bölgəsində hücum əməliyyatı keçirir, o cümlədən Soledarı artilleriya ilə vurur. Həmçinin, Kotsun sözlərinə görə, döyüşlər Baxmutun cənub-qərbində gedir.
“WarGonzo” yazır ki, Ukrayna ordusu indiyədək bu Baxmut istiqamətində uğur qazana bilməyib.
“Vaqner” ÖHŞ-nin rəhbəri Yevgeni Priqojin bu ərəfədə iddia edib ki, Baxmutun cənub-qərb ətrafı Ukrayna Silahlı Qüvvələrinin nəzarətindədir.
Ukrayna Silahlı Qüvvələri bazar ertəsi səhər Rusiya nəşrlərinə cavab olaraq bildirib ki, Moskva ukraynalıları ruhdan salmaq üçün "nformasiya və psixoloji əməliyyatları aktivləşdirir və Ukrayna Silahlı Qüvvələrinin hərbi əməliyyatları haqqında qeyri-dəqiq məlumatlar yayır.
Eyni zamanda, bazar ertəsi səhər Ukrayna Silahlı Qüvvələrinin Quru Qoşunlarının komandanı Aleksandr Sırskinin teleqram kanalında Ukrayna ordusunun Baxmut bölgəsində “irəliləməyə davam etdiyi”ni yazıb.
Şənbə günü Ukrayna müdafiə nazirinin müavini Anna Malyar Ukrayna ordusunun Baxmutun cənub-qərb ətrafına nəzarət etdiyini iddia edib.
Ukrayna mənbələri Ukrayna Silahlı Qüvvələrinin Uqledar bölgəsində irəliləməsi barədə məlumat verməyib.
Poliqon.info