Trampın vəkili bildirib ki, ABŞ-ın keçmiş prezidenti mümkün həbsindən qorxur...
“ABŞ-ın keçmiş prezidenti Donald Tramp keçən həftə həbs olunmasından qorxurdu”.
Poliqon xəbər verir ki, bunu NBC telekanalına müsahibəsində Trampın vəkili Co Takopina deyib.
Vəkilin sözlərinə görə, belə qorxulara səbəb Nyu-Yorkdakı rayon prokurorluğundan sızma olub. Bazar ertəsi, martın 20-də Trampın məhkəməyə verilməsinin maddi-texniki təminatı ilə bağlı Nyu-York Polis Departamentinin nümayəndələri ilə Məxfi Xidmətin görüşünün keçiriləcəyinə dair məlumatlar yayılıb.
“Əlbəttə, məhkəməyə çıxarılma ilə bağlı daha çox şayiələr var idi”, deyə Takopina bildirib.
“Tramp bu sızmalara əsaslanaraq həbsin baş verəcəyini güman edirdi. O, qətiyyən həbs olunmaq istəmirdi”, deyə vəkil sözlərini yekunlaşdırıb.
Qeyd edək ki, ötən həftə Tramp sosial şəbəkədə həbs oluna biləcəyinə görə ölkədə etiraz aksiyalarına çağırıb.
Poliqon.info