Böyük Britaniyanən Baş naziri Dorsetdəki “Lulvort” hərbi bazasına səfəri zamanı deyib ki, Britaniya zirehli texnikası mart ayında Ukraynaya çatdlrılacaq...
Böyük Britaniyanın baş naziri Rişi Sunak çərşənbə günü, fevralın 8-də Vladimir Zelenski ilə Ukrayna hərbçilərinin “Challenger” tanklarını idarə etmək üçün təlim keçdiyi Dorsetdəki “Lulvort” hərbi bazasına səfəri zamanı deyib ki, Britaniya zirehli texnikası mart ayında Ukraynaya gələcək.
Poliqon.info xəbər verir ki, bu barədə Sky News kanalı məlumat yayıb.
Ukraynanın Böyük Britaniyadan qırıcı təyyarələri alacaqmı, alacaqsa, nə vaxt olacaq, sualına isə Sunak belə cavab verib: “Ukraynaya kömək etməkdən söhbət gedəndə hər şey mümkündür. Biz ritorikamızı hərəkətlə dəstəklədik, döyüş təyyarələrinə gəlincə, əlbəttə ki, onlar müzakirələrin bir hissəsidir. “Challenger” tanklarına gəlincə, deyə bilərəm ki, onlar mart ayında Ukraynaya çatdırılacaq”.
Öz növbəsində Zelenski dərhal bildirib ki, Ukraynanın “çoxlu müxtəlif texnikalara ehtiyacı var. Bizə zirehli maşın lazımdır, çünki Rusiyada minlərlə zirehli texnika texnika var. Yaxın bir neçə gün ərzində biz Avropa ölkələri ilə daha uzun mənzilli raketləri müzakirə edəcəyik”, deyə Ukrayna prezidenti bildirib.
Poliqon.info