Cümə axşamı, 28 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

STP-də Fuad Nəcəfli “xanədanı” – İşçilərlə qul kimi davranılır?

Azərbaycanın ən böyük sənaye müəssisələrindən olan Sumqayıt Texnologiyalar Parkında (STP) acınacaqlı vəziyyət hökm sürür. Rəhbərliyin yarıtmaz fəaliyyəti isə buradakı ağır durumu daha da dərinləşdirir.

Bu barədə Qlobal.az-ın əldə etdiyi məlumatda deyilir.

Son illər STP-nin iqtisadi artımından, uğurundan mediada geniş yazılsa da, əslində vəziyyətin heç də ürək açan olmadığı deyilir.

Bütün bunlara səbəb isə yarıtmaz idarəçilik göstərilir. STP-də rəhbərlikdə təmsil olunan Fuad Nəcəflinin müəssisənin ağası olduğu bildirilir.

“STP-də yeni məhsul istehsalı, inkişafla bağlı olan sözlər hamısı nağıldır. Həqiqətdə bu müəssisə dağılır. STP-ni burada xanlıq edən Fuad Nəcəfli dağıdır. Buradakı vəziyyətə adamın ürəyi ağrıyır. Bu zavodda Etibar pirverdiyevin vaxtında heç zaman belə özbaşınalıq olmayıb. Fuad Nəcəfli STP-yə gələn kimi özbaşınalığa, dərəbəyliyə şərait yaratdı. Onun qanunsuz əməllərinə keçmiş baş direktor Emin Məmmədov razılaşmadı deyə, onu işdən çıxartdırdı. STP-nin indiki direktoru Ruslan Ağabəyli formalnı direktordu. Onun burada heç bir sözü keçmir. Ruslan Ağabəyli hələ indiyədək qəbuluna gələn heç bir işçinin prblemini həll edə bilməyib. Ancaq Fuad Nəcəfli hansısa işçinin probleminin həllinə söz verirsə anında da həll edilir. Buna görə də işçilər arasında Fuad Nəcəfliyə hamı “xan” ləqəbi qoyub”-deyə məlumatda qeyd edilir.

Daha sonra məlumatda şirkətin talandığı, maxinasiya hallarının olduğu bildirilir.

“Yuxarı instansiyalarda olan vəzifəli şəxslərin burada baş verənlərdən xəbəri yoxdur. Hamı elə bilir ki, STP inkişaf edir. Amma bunlar şirkəti talayırlar. Şirkətin avtomobillərini lift idarəsinə verdilər. İndi reysin birini STP-yə 500 manata satırlar. İşçilərin çoxunu çıxarıblar. İllərlə burada zəhmət çəkən, ömürlərini buraya həsr edən insanları hörmətsiz, qanuna uyğun olmadan bayıra atmaq hansı qanunlara sığır? Müşahidə Şurasında olan Fuad Nəcəfli burada hər bir sahəyə öz adamlarını təyin edib şirkəti talamaqla məşğuldur. Pensiya yaşına 4-5 ay qalmış köhnə işçilərin əksəriyyətini işdən çıxarılar. Heç bir şikayətə də baxılmır. Kadrlar şöbəsinə nəzarət edən Fuad Nəcəflinin adamı Şölə adlı xanımdır. Heç bir işçini qəbul etmir. İşçilərlə Şölə xanımın köməkçisi Aygün xanım danışır. Təbiətən kobud olan Aygün xanım isə işçiləri dinləmir. Bizə deyir ki, 100 nəfəri də birdən çıxararıq, bizə heç kim heç nə deyə bilməz”.

Məlumatda STP-nin metaləritmə zavodunda işçilərlə qul kimi davranıldığı, aylarla maaşların verilmədiyi deyilir.

Məsələ ilə bağlı Sumqayıt Texnologiyalar Parkından mövqe öyrənə bilmədik.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Aprel ayında bu bürcü fantastik pul və yeni vəzifə gözləyir

Sabiq milli təhlükəsizlik naziri Namiq Abbasov vəfat edib

Azərbaycan XİN Namiq Abbasovun vəfatı ilə bağlı paylaşım edib

Hikmət Hacıyev NATO-nun eks-baş katibi ilə bağlı paylaşım edib: Hesabatına ödənişi əlavə etməyi unudub

“Crocus”da insanları xilas edən Emil Hüseynov və anası baş verənlərdən danışdılar - Video

"Belə iddia səsləndirəndə mətndə rəqəm, hesabat olur, daha səbət və gilas yox" - AYNA sərt tənqid edildi

Bakıda və üç rayonda qazın verilişində məhdudiyyət olacaq

Azərbaycanda polkovnik-leytenant vəfat etdi - Foto

Binə qəbiristanlığında çayxana tikilir? - Video

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Ən çox oxunanalar