ABŞ Əfqanıstandakı qeyri-qanuni silahlı birləşmələrin köməyi ilə bütün Mərkəzi Asiya regionunda sabitliyi pozmağa hazırlaşır...
Poliqon xəbər verir ki, bunu mayın 25-də Minskdə Kollektiv Təhlükəsizlik Müqaviləsi Təşkilatına (KTMT) üzv ölkələrin Müdafiə Nazirləri Şurasının iclasında Rusiyanın müdafiə naziri Sergey Şoyqu deyib. Rusiyanın müdafiə naziri qeyd edib ki, NATO ölkəni tərk etdikdən sonra onun dirçəlməsinə kömək etmək əvəzinə, bütün gücü ilə bu ərazidə hərbi mövcudluğunu bərpa etməyə çalışır.
Şoyqunun sözlərinə görə, Əfqanıstanda Taliban hərəkatı hakimiyyətə gəldikdən sonra qeyri-qanuni silahlı birləşmələr xeyli güclənib. Birləşmiş Ştatlar onlardan istifadə etmək niyyətindədir və Vaşinqton bu yaraqlıların Yaxın Şərqdən Əfqanıstana köçürülməsini təşkil ediblər. Şoyqu hesab edir ki, gələcəkdə onlar qonşu dövlətlərə nüfuz edə, o cümlədən terror aktları törədə bilərlər.
“Biz bunu Mərkəzi Asiya regionunda sabitliyə və bütövlükdə KTMT məkanına qarşı birbaşa təhlükə kimi qiymətləndiririk”, deyə Rusiyanın müdafiə naziri bildirib. O, Əfqanıstan istiqamətində KTMT dövlətlərinin səylərin əlaqələndirilməsinin, təlimlərə diqqət yetirilməsinin vacibliyini də qeyd edib.
Poliqon.info
Digərxəbərlər
Populyar xəbərlər
