Fövqəladə Hallar Nazirliyinin “112” qaynar telefon xəttinə Siyəzən rayonu, “QALA PARK” restoranının ərazisində yanğın baş verməsi barədə məlumat daxil olub və dərhal əraziyə nazirliyin Dövlət Yanğından Mühafizə Xidmətinin qüvvələri cəlb olunub.
Bu barədə FHN məlumat yayıb.
Hadisə yerində əməliyyat şəraiti qiymətləndirilərkən yanğının restoranın ərazisində, bir dam altında tikilmiş 55 kvadratmetr sahədə yerləşən mühafizə otağı, market və qazanxanada baş verdiyi müəyyən edilib.
Əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər sayəsində yanğın genişlənməsinə imkan verilmədən qısa müddətdə söndürülüb, restoran yanğından mühafizə edilib.
***
Siyəzənin Məşrif kəndində “Qala park” istirahət mərkəzində yanğın olub.
Bizim.Media xəbər verir ki, hadisə yerinə Fövqəladə Hallar Nazirliyinin Siyəzən Dövlət Yanğından Mühafizə Hissəsinin iki yanğınsöndürən avtomobili və canlı qüvvəsi cəlb olunub.
Alovun mərkəzin 150 kvadratmetrlik mətbəx hissəsindən başladığı deyilir.
Fotolar
Poliqon.info