Senator Qrem: Rus ordusunun “onurğasını” qıracağıq…

PİA.az xəbər verir ki, Lindsi Qrem Almaniyanın Spiegel jurnalına verdiyi müsahibədə bildirib.

ABŞ-ın respublikaçı senatoru Lindsi Qrem Spiegel-ə bildirib ki, Ukraynaya tankların verilməsindən sonra Rusiya Silahlı Qüvvələrinin hücumu dayandırılacaq və hətta onlar nəzarət etdikləri işğal olunan ərazilərdən çıxarılacaq. Senator vurğulayıb ki, xarici hərbçilərin iştirakı olmadan Ukrayna Rusiya ordusunun “onurğa sütununu” sındıra bilər.

Lindsi Qrem sözlərinə görə, rus qoşunları Ukraynanın şərqində irəliləmək üçün hücum planı hazırlayır. Ancaq Ukraynanı lazımi silah və kəşfiyyat məlumatları ilə təmin etməklə bu hücumun qarşısını almaq olar.

“İnanıram ki, bizim bir fürsətimiz var: Amerika və Almaniya əsgərlərini döyüş meydanına göndərmədən rus ordusunun belini qırmaq lazımdır. Əgər biz onları silah və kəşfiyyatla təmin etsək, ukraynalılar rusları məğlub edə bilərlər”, deyə Qrem bildirib.

Qrem vurğulayıb ki, heç kim Rusiya ərazisini işğal etmək fikrində deyil, lakin Rusiya “yerinə” otuzdurulmazsa, Avropada müharibələr başlayacaq və çinlilər Qərbin zəifliyinə əmin olacaqlar. Onun sözlərinə görə, ukraynalılar tədarük etdikləri istənilən silah sistemini tez bir zamanda öyrənib istifadə edə bilirlər.

pia.az