Rusiyanın dondurulmuş aktivləri... – Aİ bu pullarla nə edəcəyini bilmir...

Aİ bloklanmış Rusiya aktivlərinin yenidən investisiyasından əldə olunan gəlirin Ukraynaya köçürülməsi imkanını nəzərdən keçirir.

Poliqon xəbər verir ki, bu barədə Financial Times nəşri məsələnin müzakirəsi ilə tanış olan mənbələrə istinadən yazır.

Nəşrin məlumatına görə, dondurulmuş vəsaitlərdən cari ilin birinci 734 milyon avro mənfəət əldə edilib. FT qeyd edir ki, Euroclear üçün müştəri vəsaitlərini borc vermək və qazanılan faizləri tutmaq standart təcrübədir.

“Maliyyə qurumları bu pulla nə edəcəklərini bilmirlər”, deyə mənbədən biri nəşrə bildirib. O, qeyd edib ki, bu pullar Kiyevə köçürülə bilər. Başqa bir mənbə isə bildirib ki, böyük ehtimalla bu pullar Ukraynaya veriləcək.

Qəzetin mənbələri bu aktivlərin sonradan mənfəətin idarə edilməsi ilə investisiya edilməsini dondurulmuş aktivlərlə məşğul olmaq üçün başqa variant adlandırıblar. Hər iki halda hüquqi nüanslar müzakirə olunur.

FT əlavə edir ki, konkret təkliflər iyunun sonunda təqdim oluna bilər. Qəzetin yazdığına görə, Rusiya aktivləri ilə bağlı indiyədək səslənən yeganə variant Belçika hakimiyyətinin bu fondlardan əldə olunan faiz gəlirindən vergi gəlirlərini Ukraynaya və qaçqınlara kömək etmək niyyəti ilə bağlı bəyanatı olub.

Qeyd edək ki, Belçika hökumətinin məlumatına görə, Rusiyanın Avropa İttifaqı ölkələrində dondurulmuş vəsaitləri demək olar ki, 197 milyard avrodur, bunun 180 milyardı Mərkəzi Bankın aktivləridir və bu aktivlər “Euroclear” maliyyə şirkətindədir.

Poliqon.info