Rusiya və ABŞ noyabr ayından İsveçrədə Ukrayna ilə bağlı gizli görüşlər keçiririr

Rusiya və ABŞ nümayəndələri Ukrayna münaqişəsini qeyri-rəsmi müzakirə etmək üçün 2024-cü ilin noyabrından bu yana gizli görüşlər keçiriblər.

Poliqon xəbər verir ki, bu barədə Reuters Agentliyi mənbələr istinadən məlumat yayıb.

“Son aylarda, o cümlədən ötən həftə amerikalı və rusiyalı iştirakçılar Ukraynadakı müharibəni qeyri-rəsmi müzakirə etmək üçün İsveçrədə gizli görüşdülər”, deyə Agentlik yazır.

Reuters-in mənbələri İsveçrədəki danışıqları “yan kanal” kimi qiymətləndirib. Agentlik yazır ki, bəzi təmaslar prezident Donald Trampın 5 noyabr 2024-cü il seçkilərində qələbəsindən sonra keçid dövründə baş tutub.

Rusiya və ABŞ rəsmilərinin dövlət məmuru olmadıqları üçün onların hökumətləri tərəfindən göndərilib-göndərilməməsinin aydın olmadığı vurğulanır.

“Eyni zamanda, onların diplomatik və təhlükəsizlik təcrübəsi var”, deyə Reuters qeyd edir.

Xatırladaq ki, fevralın 18-də Səudiyyə Ərəbistanının paytaxtında Rusiya-ABŞ rəsmiləri arasında görüş baş tutub. Görüşdə bir sıra iqtisadi layihələr üzrə əməkdaşlığın bərpası, eləcə də Ukrayna nizamlanması üzrə mümkün təmasların hazırlanması və iki prezident arasında görüşlərin təşkili müzakirə olunub.

Poliqon.info