Rus qubernatorun oğlu İtaliyada ev dustaqlığından necə qaçıb?

İtaliya penitensiar polis əməkdaşlarının həmkarlar ittifaqının baş katibi Aldo Di Qiakomo bildirib ki, ev dustaqlığından qaçan Artem Ussun ələ keçiriləcəyinə inanmır.

Poliqon xəbər verir ki, Aldo Di Qiakomo bu barədə “RİA Novosti” Agentliyinə bildirib. Di Qiakomo həmçinin Rusiya qubernatorunun oğlunun ev dustaqlığından qaçmasının təfərrüatlarını da açıqlayıb.

“Əminəm ki, onu bir daha tapmayacaqlar. Belə addımı atan adam çarəsizlikdən atmaz. Fikrimcə, o, hər şeyi təşkil etməyi bacarıb”, deyə Di Qiakomo bildirib.

Qiakomo əlavə edib ki, Ussun harada olması barədə məlumat ötürən bilərziyi sındırmaq heç də çətin deyil. Belə qurğular evin içərisində mərkəzi konsola qoşulur və müəyyən bir diapazona malikdir. Bununla belə, Di Qiacomonun sözlərinə görə, sistemin deaktiv edilməsi ehtimalı var.

“Braslet polisi xəbərdar edəndə, onların gəlməsinə orta hesabla yeddi dəqiqə vaxt lazımdır. Çox vaxt həbs olunan şəxsin səhvindən və ya texniki nasazlıqdan danışırıq, məsələn, məhbus iti gəzdirmək üçün həyətə çıxmaq istəyirsə, bilərzik həyəcan siqnalı verir. Milanda, yeddi dəqiqədən sonra elə bir məsafəni qət etməyə vaxtınız olacaq ki, sizi tapmaq mümkün olmayacaq, xüsusən də pulunuz və hazırlığınız varsa”, deyə polis nümayəndəsi qeyd edib.

Qeyd edək ki, Krosnayrask qubernatoru Aleksandr Ussun oğlu Artyom Uss sanksiyalardan yayınmaqda və çirkli pulların yuyulmasında ittiham olunub. Martın 21-də İtaliya məhkəməsi onu ABŞ-a təhvil vermək haqqında qərar verib. Bundan sonra isə Uss ev dustaqlığından qaçıb. Hazırda İtaliya polisi onu axtarır.

Poliqon.info