Ruminiya prezident seçkilərində hakim partiya ilk turda məğlub olub

Rumıniyanın hakim partiyasının lideri Krin Antonesku prezident seçkilərində məğlub olduğunu etiraf edib. Açıqlanaıan səsvermə nəticələrinə görə, Buxarestin meri Nikuzor Dan ondan daha çox səs toplayıb.

Poliqon xəbər verirki, bu barədə “Hotnews” portalı məlumat yayıb.

Rumıniya Seçki Komissiyasının ilkin məlumatlarına görə, səslərin 99,93%-i hesablandıqdan sonra Krin Antonesku 20,11% səslə Buxarest meri Nikusor Dana 20,98% uduzaraq üçüncü olub. İfrat sağçı namizəd, Rumınların Birləşməsi Alyansının (AUR) rəhbəri George Simion 40% səslə seçkinin lideridir.

Jurnalistlərlə söhbətində Antonesku qeyd edib ki, seçkilərdə məğlub olduğunu etiraf edir və xalqın iradəsinə hörmətlə yanaşır. Krin Antonesku ikinci tur prezident seçkilərində kimə səs verəcəkləri ilə bağlı rumınlara tövsiyələr verməkdən yayınıb.

Qeyd edək ki, namizədlərdən heç biri 50%-dən çox səs toplamasa, mayın 18-nə təyin edilmiş ikinci səsvermə turu keçiriləcək.

Poliqon.info