Türkiyədə çempionluğun əsas namizədi olan “Qalatasaray” yeni mövsüm üçün ciddi transferlərə hazırlaşır...
Poliqon Takvim qəzetinə istinadən xəbər verir ki, prezident Dursun Özbek və baş məşqçi Okan Buruk yeni transferlərlə bağlı fikir mübadiləsi aparıb.
Bildirilir ki, heyətini ulduzlar futbolçularla gücləndirməyi planlaşdıran “Cim Bom”da əsas hədəfin Kristian Pulişiç olduğu öyrənilib. “Çelsi”nin formasını geyinən amerikalı ulduzun London klubu ilə yollarını ayıracağı deyilib. Bundan yararlanmaq istəyən “Qalatasaray” tez bir zamanda onu heyətinə qatmaq istəyir. Artıq onun meneceri ilə danışıqlar başlayıb.
Qeyd edək ki, Pulşiç karyerası ərzində "Borussiya" (Dortmund) və “Çelsi”də çıxış edib. ABŞ millisinin 24 yaşlı ulduzu 2019-cu ildə Dortmund təmsilçisindən London klubuna 64 milyon avroya transfer olunmuşdu. Hazırda “Transfermarkt” ona 32 milyon avro qiymət qoyub.
Poliqon.info