Putin yeni hücuma hazırlaşır - Cəbhədə daha çox qüvvə tətbiq olunacaq…

Kreml rus qoşunlarının döyüş meydanında təşəbbüsü bərpa etməyə qadir olduğunu nümayiş etdirmək istəyir.

PİA az xəbər verir ki, bu barədə Bloomberg-in məlumatında bildirilir.

Ukraynaya bir neçə həftə davam etməli olan genişmiqyaslı işğalın başlamasından təxminən bir il sonra Kremlin rəhbəri Vladimir Putin Rusiya Silahlı Qüvvələri ni yeni hücuma hazırlayır.

“Bloomberg” Rusiya rəsmilərinə istinadən yazır ki, Rusiya prezidenti həmçinin ölkəsini ABŞ və müttəfiqləri ilə uzunmüddətli qarşıdurmaya da hazırlayır. Nəşr hesab edir ki, Putin müharibənin bir neçə ildavam edəcəyini gözləyir.

Qeyd edilir ki, Kreml rus qoşunlarının döyüş meydanında təşəbbüsü bərpa etməyə qadir olduğunu nümayiş etdirmək istəyir. Beləliklə, Rusiya Ukraynanı və müttəfiqlərini işğal olunmuş ərazilərdə Rusiyanın təhlükəsizliyini təmin edəcək bir növ sülhə sövq etmək üçün onlara təzyiq etmək istəyir.

Mənbələr nəşrə bildiriblər ki, Putin öz silahlı qüvvələrinin zəifliyini inkar etmir. İşğalçıların cəbhədəki daimi uğursuzluqları Kremldə çoxlarını öz ambisiyalarını reallaşdırmasına imkan yaradıb. Moskvada indi etiraf edirlər ki, hətta indiki cəbhə xəttini saxlamaq da uğur olardı.

Vladimir Putin əmindir ki, müharibədə daha böyük qüvvələrdən istifadə Rusiyaya qalib gəlməyə imkan verəcək. O, artıq orduda on minlərlə itkilərin olmasını da qəbul etməyə hazırdır.

Rusiya güc strukdurlarındakı mənbələrə görə, rus qoşunlarının hücumunun bərpası fevral-mart aylarında başlaya bilər. Bununla belə, Kiyev də özünə məxsus yeni əks-hücum planı hazırlayır.

Bloomberg hesab edir ki, yazda Rusiyada yeni səfərbərlik dalğası başlaya bilər.

Xatırladaq ki, yanvarın 26-da Ukrayna Silahlı Qüvvələri Rusiya qoşunlarının Zaporojyeyə hücum etmək gücündə olmadığını bildirmişdi. Rus ordusu bu istiqamətdə müdafiəni yarıb keçmək üçün güclü zərbə qrupu yarada bilməməsi isə Putinin vəziyyətinin heç də ürəkaçan olmadığından xəbər verir.

pia.az