Putin kiçik qızının şirkətinin uğurlarından danışıb...

Rusiya Sənayeçilər və Sahibkarlar İttifaqının prezidenti Aleksandr Şoxin təşkilatın qurultayında Vladimir Putinə kiçik qızı tərəfindən idarə olunan "İnnopraktika" şirkətinin uğurları barədə məlumat verib. Putin şirkətin fəaliyyətindən dən xəbərdar olduğunu bildirib.

Poliqon.info xəbər verir ki, bu barədə “Agentstvo” nəşri məlumat yayıb.

Şoxin bildirib ki, RSSİ ötən il idxalın əvəzlənməsi və texnoloji müstəqillik şurasını təsis edib, onun məqsədi digər məsələlərlə yanaşı, texnologiya şirkətlərini iri müştərilər, dövlət korporasiyaları, iri özəl şirkətlər və kiçik bizneslərlə əlaqələndirməkdir.

“Məlum oldu ki, ən inkişaf etmiş platformalardan biri “İnnopraktika”nın himayəsi altında mühəndislik mərkəzidir. Yəqin ki, bu barədə eşitmisiniz?”, deyə Şoxin Putindən soruşub.
“Bəli, bəli, əlbəttə”, deyə Putin cavab verib.

Şoxinin sözlərinə görə, “İnnopraktika” həqiqətən çox yaxşı inkişafa malikdir.

Daha sonra Putin “İnnopraktika” haqqında daha ətraflı danışıb.

“Bu, bir vaxtlar Moskva Dövlət Universitetinin rektorunun təşəbbüsü idi, mən də onu dəstəklədim. Artıq o vaxtlar bizim elm adamlarımızın və qabaqcıl işlərlə məşğul olan insanların imkanlarını biznesimizin və konkret müəssisələrimizin ehtiyacları ilə birləşdirmək barədə düşünmək vacib idi. “İnnopraktika”nın fəaliyyəti də məhz bundan ibarətdir.

Qeyd edək ki, “İnnopraktika” şirkətinə Vladimir Putinin kiçik qızı Katerina Tixonova rəhbərlik edir. O, həmçinin Şoxin tərəfindən danışılan idxalın əvəzlənməsi və texnoloji müstəqillik üzrə RSSİ koordinasiya şurasının həmsədri vəzifəsini daşıyır.

Nəşr vatırladır ki, ötən il “İnnopraktika” şirkətinin uğurları barədə Putinə Baş nazirin müavini Andrey Belousov məlumat verib. O, Strateji İnkişaf və Milli Layihələr Şurasının iclasında “İnnopraktika”nın Rusiyada innovasiyaların tətbiqinə, o cümlədən startaplara və texnoloji şirkətlərə yardımına verdiyi töhfəni iki dəfə qeyd edib.

Poliqon.info