Rusiya prezidenti Vladimir Putin Argentina prezidenti Xavyer Mayli seçkiləri qazanması münasibətilə təbrik edib...
Poliqon xəbər verir ki, Rusiya prezidenti ölkələr arasında gələcək əməkdaşlığın davam etdiriləcəyinə ümidvar olduğunu bildirib. Putinin təbriki və müraciəti Rusiya Federasiyası Prezidentinin rəsmi saytında dərc olunub.
“Rusiya-Argentina münasibətləri yaxşı dostluq və qarşılıqlı hörmət ənənələrinə əsaslanır. Biz strateji tərəfdaşlığın gələcək inkişafını səbirsizliklə gözləyirik”, deyə Vladimir Putin vurğulayıb.
Son məlumatlara görə Argentinanın yeni seçilmiş prezidenti andiçmə mərasimindən əvvəl ABŞ və İsrailə səfər edəcək.
Qeyd edək ki, noyabrın 19-da Argentinada prezident seçkilərinin ikinci turu keçirilib. Seçkinin nəticəinə görə, Libertar Partiyasının nümayəndəsi Xavyer Miley Argentinanın yeni prezident olub. Miley siyasətini həyata keçirərkən Amerika kursunu rəhbər tutmaq niyyətində olduğunu bildirib.
Poliqon.info