Pontifik həmişə Rusiyanın hərəkətlərini pisləyib - Vatikandakı səfir…

“Bu ərəfədə Ukrayna prezidenti Vladimir Zelenski və Rusiya prezidenti Vladimir Putinlə görüşmək arzusunu bildirən Papa Rusiyanın Ukrayna ərazisində başlatdığı genişmiqyaslı müharibə ilə bağlı həmişə birmənalı mövqe nümayiş etdirib”.

PİA.az Ukrayna mətbuatına istinadən xəbər verir ki, bunu Ukraynanın Vatikandakı səfiri Andrey Yuraş deyib.

“Papa mütləq Ukraynanın tərəfindədir və hətta Ukrayna cəmiyyəti üçün tam başa düşülməsə də, Papa Ukraynaya məhəbbət və kömək etmək istəyinin diktə etdiyi modellər və özünüifadə yolları arayır. Bu modellərin olub-olmadığını müzakirə etmək olar. Lakin onun motivasiyasının müsbət olduğuna şübhə yoxdur”, deyə səfir bildirib.

Səfirin sözlərinə görə, Roma Papası təkcə katolik kilsəsinin rəhbəri deyil, həm də Ukraynanın əvvəllər Rusiya ilə danışıqlar üçün mümkün platforma hesab etdiyi Vatikanın dövlət başçısıdır. Buna görə də Vatikan lazım gələrsə, belə bir platforma olmaq üçün ünsiyyət imkanlarını qorumaq istəyir.

Səfir vurğulayıb ki, ötən il Roma Papası Rusiya patriarxı Kirill ilə artıq planlaşdırılan görüşü müharibə ilə əlaqədar ləğv edib. Onun fikrincə, bu, çox ciddi jest idi.

pia.az