ABŞ-ın keçmiş dövlət katibi Mayk Pompeo bildirib ki, Çin lideri Si Tsinpin dünya səhnəsinə rusiyalı həmkarı Vladimir Putindən daha böyük təhlükə yaradır…
PİA.az xəbər verir ki, Sky News-a müsahibə verən Pompeo, Si Tsinpinin dünya hökmranlığına can atdığına və bütün dünyada hegemonluğa nail olmaq istədiyinə diqqət çəkib.
Pompeo Çinin bunun üçün hər cür imkana malik olduğunu vurğulayıb:
“ABŞ-la rəqabət aparan iqtisadiyyat, yüksək effektiv hərbi, kosmik və kiber proqramlar Çini daha təhlükəli rəqibə çevirir”, deyə ABŞ-ın keçmiş dövlət katibi qeyd edib.
Si Tszinpin dünya üçün Putindən daha böyük təhlükədirmi, sualına Pompeo belə cavab verib: “Əlbəttə. Heç yaxınlaşmırlar. Si Tszinpin fərqlidir. Dünya iqtisadi bir çox cəhətdən ondan asılıdır... Si Tszinpin inanır ki, dünyaya hakim olacaq”.
Xatırladaq ki, bir müddət əvvəl Pentaqon ABŞ-ın yeni milli müdafiə strategiyasını dərc edib. Sənəddə deyilir ki, Vaşinqton Pekinə ABŞ üçün əsas “təhlükə” kimi baxır və Rusiyanı isə “kəskin təhlükə” hesab edir.
pia.az