Polşanın idman naziri rusların mümkün iştirakı ilə bağlı Olimpiadanı boykot etməklə hədələyib…
Polşa Rusiya idmançılarının olimpiadaya buraxılması ehtimalına görə Parisdə keçiriləcək Olimpiya Oyunlarını boykot edə bilər.
Poliqon xəbər verir ki, bu barədə ölkənin idman və turizm naziri Kamil Bortniçuk RMF FM radiostansiyasın bildirib. Rəsmi həmçinin qeyd edib ki, Avropa Oyunlarında iştirak etmək üçün Varşava Rusiyadan olan idmançılardan Ukraynadakı müharibəni pisləyən bəyanat imzalamağı tələb edəcək.
“Beynəlxalq Olimpiya Komitəsi ilə əlaqələrimiz kontekstində boykot məsələsi həmişə aktual olmalıdır. Çünki BOK bundan qorxur”, deyə Bortniçuk bildirib.
Qeyd edək ki, martın 28-də BOK beynəlxalq federasiyalara müharibəni dəstəkləməyən rus idmançılarına neytral bayraq altında yarışmağa icazə verməyi tövsiyə edib. Eyni zamanda, BOK silahlı qüvvələr və təhlükəsizlik orqanları ilə əlaqəli idmançıların starta buraxılmamasını təklif edib. İdmançıların hərbi strukturlara mənsubiyyətini beynəlxalq idman federasiyalarının müstəqil komissiyaları müəyyən edəcək.
Poliqon.info