Polşa Putinin Belarusda nüvə silahı yerləşdirmək planına reaksiya verib

Polşa tərəfi hesab edir ki, bu, Moskvanın Belarusu Rusiya hərbi maşınının çarxına çəkmək üçün daha bir addımdır.

Polşa Xarici İşlər Nazirliyi Rusiya prezidenti Vladimir Putinin Belarusda nüvə silahı yerləşdirmək niyyətini “Belarusu təcavüzkar ölkənin hərbi maşınına çəkmək yolunda addım” adlandırıb.

Polşa Xarici İşlər Nazirliyinin sözçüsü Lukas Yasina da Rusiyanın planının gərginliyi artırdığını vurğulayıb.

“Vladimir Putinin Belarusda taktiki nüvə silahları və onların daşınma maşınlarını yerləşdirmək qərarı Rusiyanın Ukraynaya qarşı təcavüzü ilə bağlı gərginliyi daha da artırır. Bu, Belarusu Rusiya hərbi maşınının çarxına çəkmək üçün daha bir addımdır”, deyə Yasina Twitter-də yazıb.

Poliqon.info