Pentaqonun dörd məruzəçisi Ukraynanın 2023-cü ildə Rusiyanı işğal olunmuş ərazilərdən çıxara biləcəyinə şübhə edir…
PİA.az xəbər verir ki, bu barədə Politico nəşri məlumat yayıb.
Nəşr ABŞ Müdafiə Nazirliyinin Nümayəndələr Palatasının Silahlı Qüvvələr Komitəsində keçirilən gizli brifinqdə səsləndirdiyi fikirlərə istinadən yazır ki, Ukrayna silahlı qüvvələri çətin ki, Rusiya qoşunlarını yaxın gələcəkdə Krım yarımadasından çıxara bilsin.
Rəsmi Pentaqon bu məlumatı Poltico qəzetinə şərh etməkdən imtina edərək bildirib ki, Ukraynanın müdafiə qabiliyyəti öz sözünü deyir.
“Biz məxfi brifinqləri şərh etmək fikrində deyilik, fərziyyələr haqqında danışmayacağıq və gələcək əməliyyatlar haqqında spekulyasiya etməyəcəyik”, deyə Pentaqonun sözçüsü Sabrina Sinq bildirib. Sinq qeyd edib ki, Ukraynanın döyüşmək və suveren əraziləri geri almaq qabiliyyəti baxımından, onların Rusiya təcavüzünü dəf etməkdə uğurları və döyüş meydanında davamlı uyğunlaşma qabiliyyəti öz sözünü deyir.
Nəşrin insayderləri qeyd edirlər ki, Pentaqonun mənfi proqnozu ABŞ Müdafiə Nazirlitinin Birləşmiş Qərargah Rəisləri Komitəsinin sədri general Mark Millinin sözləri ilə üst-üstə düşür. Xatırladaq ki. Milli daha əvvəl 2023-cü ildə rus qoşunlarını işğal olunmuş ərazilərdən hərbi yolla çıxarmaq çox çətin olacağını söyləmişdi.
“Bu o demək deyil ki, ola bilməz. Bu o demək deyil ki, bu baş verməyəcək, lakin bu, çox, çox çətin olacaq”, deyə Mark Milli bildirmişdi.
pia.az
Digərxəbərlər
Populyar xəbərlər
