Türkiyə ölkələr arasında münasibətlərin normallaşması prosesində Ermənistan-Türkiyə nizamlanması üçün heç bir ilkin şərt irəli sürməyib...
Poliqon xəbər verir ki, bunu Ermənistanın xarici işlər naziri Ararat Mirzoyan parlamentdə 2022-ci il dövlət büdcəsinin icrası haqqında hesabatın müzakirəsi zamanı deyib.
“Hər iki tərəf dəfələrlə bəyan edib ki, heç bir ilkin şərt yoxdur və məqsəd münasibətlərin yekun tənzimlənməsidir”, deyə Mirzoyan bildirib.
Onun sözlərinə görə, bununla bağlı bir sıra yüksək vəzifəli məmurlar tərəfindən dəfələrlə fikirlər səsləndirilib. Bununla belə, XİN rəhbəri bir daha qeyd edib ki, “erməni soyqırımı”nın tanınması və pislənməsi məsələsi də gündəmdə deyil və indiyə qədər də olmayıb.
Mirzoyan Ermənistanın baş naziri Nikol Paşinyanın Türkiyə prezidenti Rəcəb Tayyib Ərdoğanın andiçmə mərasimi üçün Ankaraya səfəri və baş nazirin ikinci sırada əyləşməsinə də münasibət bildirib:
“Bu, protokol məsələsidir, bütün baş nazirlər ikinci cərgədə oturmuşdular. Onların arasında Ərdoğan üçün önəmli şəxs olan Macarıstanın Baş naziri Viktor Orban da var idi”, deyə Mirzoyan bildirib.
Poliqon.info