ABŞ nüvə müharibəsinin yaxınlaşmasına görə təşvişə düşüb…
Ağ Evin keçmiş əməkdaşı Roberts: “Bir nanosaniyədən sonra ABŞ üzərində nüvə müharibəsi başlaya bilər”.
PİA.az xarici mətbuata əsasən xəbər verir ki, bu barədə Roberts öz məqaləsində yazıb.
Ağ Evin keçmiş rəsmisi Pol Kreyq Roberts bildirib ki, Vaşinqtonun Rusiya ilə bağlı siyasəti dünyanı elə vəziyyətə gətirib ki, nüvə münaqişəsinə bir nanosaniyə qalıb. İndi onu işə salmaq üçün tələb olunan yeganə şey gələn raketlər barədə yalan həyəcan siqnalı vermək vaxtıdır.
“Atom alimləri qiyamət saatına görə gecə yarısına 90 saniyə qaldığını deyirlər. Məncə, bu, bir nanosaniyədir. Biz o yerə çatmışıq ki, gələn raketlərlə bağlı bircə yalançı həyəcan siqnalı lazımdır”, deyə Roberts yazıb.
Roberts ABŞ-ın 20 ildən artıqdır ki, Rusiya ilə nüvə müharibəsi ehtimalını artırdığına diqqət çəkib. O, hesab edir ki, bu, keçmiş prezident Bill Klinton hökumətinin NATO-nu Rusiya sərhədinə yaxınlaşdırmamaq vədini pozması ilə başlayıb. Siyasətçi xatırladıb ki, Amerikanın sonrakı liderləri dövlətlər arasında etimadın yaradılması ilə bağlı bütün sənədləri ləğv ediblər.
pia.az
Digərxəbərlər
Populyar xəbərlər
