Günəş bir neçə dəqiqəlik yox olacaq: Unikal hadisəyə 100 gün qalıb

Poliqon xəbər verir ki, bu barədə Forbes yazır.

Bu tutulma Avropa üçün xüsusi əhəmiyyət daşıyır: sonuncu belə hadisə qitədə 1999-cu ildə müşahidə olunmuşdu. İslandiya üçün bu, 1954-cü ildən, İspaniya üçün isə 1905-ci ildən bəri ilk hadisə olacaq.

Hadisə Perseid meteor axınının pik dövrünə təsadüf edəcək ki, bu da effekti daha da gücləndirəcək – səmada onlarla "axan ulduz" görünə bilər.

Ayın kölgəsi Qrenlandiya, İslandiya və İspaniya üzərindən keçəcək. Vaxt müşahidə məntəqəsindən asılı olacaq: Qrenlandiyada günortadan sonra, İspaniyada isə axşam saatlarında baş verəcək.

Ən yaxşı müşahidə nöqtəsi kimi İspaniya göstərilir. Burada tutulma gün batımından əvvəl baş verəcək və Günəş üfüqə yaxın olacaq, bu da daha dramatik mənzərə yaradacaq. Ölkənin daxili bölgələrində avqust ayında adətən açıq hava şəraiti müşahidə olunur.

İslandiyada hava şəraiti daha dəyişkən, Qrenlandiya isə nisbətən çətin səyahət istiqaməti hesab olunur.

Hadisə bir neçə saat davam etsə də, tam faza cəmi bir neçə dəqiqə çəkir. Əvvəlcə Ay tədricən Günəşi örtür və işıq zəifləyir. Örtülmə demək olar ki, tamamlandıqda temperatur düşür və ətraf mühit qeyri-adi rəng alır.

Tam fazadan az əvvəl "almaz üzük" effekti müşahidə olunur, sonra isə səma qəfil qaralır. Bu anda Günəş tacı görünür, parlaq ulduzlar və planetlər seçilir, üfüq isə sanki hər tərəfdən gün batımı baş verirmiş kimi işıqlanır.

Tam Günəş tutulması Ayın Yer və Günəş arasında dəqiq yerləşməsi zamanı baş verir. Ölçülərindəki böyük fərqə baxmayaraq, Günəş Ayla müqayisədə təxminən 400 dəfə böyükdür, lakin eyni zamanda Yerə 400 dəfə daha uzaqdır. Bu nadir uyğunluq Ayın Günəşi tam örtməsinə imkan yaradır.

Mütəxəssislər xəbərdarlıq edir ki, Günəşə qoruyucu vasitəsiz baxmaq təhlükəlidir. Tutulmanın tam fazasından başqa bütün mərhələlərdə xüsusi qoruyucu eynəklərdən istifadə etmək lazımdır. Yalnız tam örtülmə anında bu eynəkləri çıxarıb Günəş tacını birbaşa müşahidə etmək mümkündür.

Növbəti tam Günəş tutulması 30 mart 2033-cü ildə baş verəcək və Alyaska ilə Sibir bölgələrində müşahidə olunacaq.

Poliqon.info