Rusiya və ABŞ Ukrayna üzrə atəşkəsi sanksiyaların yumşaldılması şərti ilə müzakirə edir

Poliqon xəbər verir ki, Bloomberg Agentliyinin məlumatına əsasən, Rusiya Ukraynada müvəqqəti atəşkəs elan edə bilər, əgər ABŞ anti-Rusiya sanksiyalarının yumşaldılmasına razılıq versə. Məlumat mənbələrə istinadla yayılıb.

Bildirilir ki, mümkün razılaşma çərçivəsində sanksiyaların müəyyən hissəsinin, o cümlədən maliyyə məhdudiyyətlərinin yumşaldılması müzakirə olunur. Mənbələr bu addımın tərəflər arasında diplomatik danışıqların bir hissəsi ola biləcəyini istisna etmirlər.

Məsələ ilə bağlı Ukrayna prezidenti Volodimir Zelenski də açıqlama verib. O bildirib ki, Rusiya tərəfi SWIFT sistemi ilə bağlı sanksiyaların ləğvi məsələsini gündəmə gətirir ki, bu da bank sistemlərinin fəaliyyətinə imkan yarada bilər.

Zelenski qeyd edib ki, belə bir vəziyyət Ukrayna üçün ciddi risk yaradır. Onun sözlərinə görə, Kiyev yalnız o halda atəşkəsi müsbət qiymətləndirə bilər ki, bu proses Rusiyanın taktiki manipulyasiya vasitəsinə çevrilməsin.

Hazırda söhbətin Rusiya prezidenti Vladimir Putin tərəfindən elan edilən 9 may atəşkəsi ilə bağlı olub-olmadığı dəqiq deyil. Eyni zamanda, bəzi mənbələr mümkün yeni razılaşmanın ayrıca formatda müzakirə oluna biləcəyini bildirir.

Qeyd olunur ki, yaxın vaxtlarda Vaşinqton və Moskva arasında danışıqlarda xüsusi nümayəndələrin iştirakı da gözlənilir. Bu çərçivədə diplomatik təmasların intensivləşəcəyi istisna edilmir.

Poliqon.info