ABŞ-nin nüvə sınaqlarını bərpa etməsi üçün ən azı üç il tələb olunur

Poliqon xəbər verir ki, ABŞ-nin Silahlara Nəzarət Assosiasiyasının direktoru Daryl Kimbollun sözlərinə görə, ABŞ-a Nevada ştatındakı keçmiş poliqonda yeraltı nüvə sınaqlarını yenidən başlatmaq üçün azı 36 ay vaxt lazımdır. 

Kimboll “X” sosial platformasında yazıb ki, Tramp dezinformasiya olunub və reallıqdan uzaqdır.

“ABŞ-ın 1992-ci ildən bəri ilk dəfə nüvə silahı sınaqlarını bərpa etmək üçün nə texniki, nə hərbi, nə də siyasi səbəbi yoxdur”, deyə Kimboll bildirib.

Ekspert əlavə edib ki, Trampın bu bəyanatı ABŞ-ın rəqibləri tərəfindən nüvə sınaqlarının zəncirvari şəkildə bərpasına təkan verə və Nüvə Silahlarının Yayılmaması Müqaviləsini məhv edə bilər.

Poliqon.info