Roma Papası İtaliyanın ən böyük həbsxanalarından birində “müqəddəs qapını” açıb

Poliqon The Guardian nəşrinə istinadən xəbər verir ki, Vatikan ilk dəfə olaraq müqəddəs “portal”ın açılmasını "arixi addım adlandırıb.

Cümə axşamı Romanın kənarındakı Rebibbia həbsxanasında yüzlərlə məhbus qarşısında çıxış edən Papa məhbuslara yaxınlığını göstərmək və məhbuslara ümid vermək üçün həbsxananın bir hissəsinin qapısını il boyu açıq saxlamaq istədiyini dilə gətirib.

Qeyd edək ki, çərşənbə axşamı Milad ərəfəsində Müqəddəs Pyotr Bazilikasının müqəddəs qapısını açaraq “ümid ili”nə start verən Papa “açacağım ikinci müqəddəs qapının həbsxana qapısı olmasını istərdim”, deyib.

“Spes non confundit” ("Ümid məyus etmir") başlıqlı papalıq bullasında Papa məhbuslar üçün müxtəlif növ amnistiya və ya əfv, həmçinin ölüm hökmünün ləğvi kimi reinteqrasiya yollarının təmin edilməsinə çağırıb.

Növbəti 12 ay ərzində katolik zəvvarlar adətən divarla örtülmüş qapıdan keçəcəklər və ənənəvi olaraq günahlarının bir növ bağışlanması üçün “plenar indulqensiya” alacaqlar.

Poliqon.info