Vaşinqtonda restoran sahibləri pəncərələrinə qalxan lövhələr asırlar

Vaşinqtonun mərkəzindəki fast food restoranlarının sahibləri mümkün iğtişaşlardan ehtiyat edərək, prezident seçkiləri ərəfəsində pəncərələrini müdafiə lövhələri ilə örtmək qərarına gəliblər...

Poliqon xəbər verir ki, bu barədə “RİA Novosti” Agentliyi məlumat yayıb.

Belə ki, Ağ Evə bitişik küçələrdə yerləşən “Panera” və “Potbelly” restoranları iğtişaşlardan ehtiyat edərək pəncərələrini taxtalarla örtürlər. Lakin bu küçələrdəki bütün müəssisə və mağazalar bu qərarı verməyib.

Agentliyin müxbirinin verdiyi məlumata görə, Ağ Evin yaxınlığındakı küçələrdə əhali öz işləri ilə məşğul olur və heç bir gərginlik hiss olunmur. Kamala Harris və Donald Trampla bağlı suvenir satan yalnız iki qadın seçkini xatırladıb.

Qeyd edək ki, ABŞ prezident seçkilərində Tramp və Harrisin qalib gəlmək şansı bərabərdir. Son sorğunun nəticələrini NBC telekanalı açıqlayıb. Sorğuya əsasən prezidentliyə namizədləri qeydə alınmış seçicilərin 49 faizi dəstəkləyir.

Seçkini şərh edən sosioloq Bill Makinturff deyib ki, Tramp və Harris arasında olan münasibətlər Amerika cəmiyyətindəki dərin fikir ayrılıqlarını nümayiş etdirir.

Poliqon.info