Bayden Rusiyanın dərinliklərinə zərbələrlə bağlı qərar vermədiyini bildirib

Poliqon xəbər verir ki, bu barədə ABŞ prezidentinin özü Ağ Evdə brifinq zamanı jurnalistlərə bildirib.

Xatırladaq ki, sentyabrın 13-də ABŞ prezidenti Böyük Britaniyanın baş naziri Key Starmer ilə Ukrayna Silahlı Qüvvələrindən Rusiyaya uzaqmənzilli raket hücumlarına qoyulan məhdudiyyətlərin aradan qaldırılması məsələsini müzakirə edib. Lakin görüşdən sonra nə Vaşinqton, nə də London Ukraynaya tədarük edilən silahlardan istifadə şərtlərini dəyişdirdiklərini açıqlamayıblar.

“The Times” qəzeti Qərb diplomatlarına istinadən yazıb ki, ABŞ və Britaniya gizli şəkildə Ukraynanın Rusiyaya zərbə endirməsinə icazə verə bilər. Nəşrin mənbələrinə görə, Ukrayna Silahlı Qüvvələri Rusiya ərazisindəki hədəflər üçün raketlərdən istifadə etməyə başlayana qədər bu məlumatı açıq şəkildə gizlətmək planlaşdırılır.

Poliqon.info