İstanbulda Bələdiyyə Başçısı çökən bina ilə bağlı son vəziyyəti açıqlayıb - Yenilənib

APA CNN Türk-ə istinadən xəbər verir ki, Küçükçekmece Bələdiyyə Başçısı binanın çökməsi ilə bağlı son vəziyyəti açıqlayıb. Başçı Kamal Çebi bunları deyib:

''Son araşdırmalar aparılır. 9 nəfərdən biri ölü olaraq tapılıb, qalan 1 nəfər özü kortəbii olaraq çölə çıxa bilibHazırda 7 nəfərin hamısı çıxarılıb”.

Məlum olub ki, binanın damında qanunsuz tikili aparılıb.

***

Türkiyənin İstanbul şəhərində üçmərtəbəli binanın çökməsi nəticəsində yaralananların sayı 7 nəfərə çatıb.

"Report" xəbər verir ki, bunu şəhər valisi Davud Gül bildirib.

"Yaralılardan ikisinin vəziyyəti ağır, beşinin vəziyyəti isə normaldır", - D.Gül deyib.

Onun sözlərinə görə, daha iki nəfər dağıntılar altındadır.

Vali qeyd edib ki, binanın birinci mərtəbəsində mağaza, yuxarı mərtəbələrində isə mənzillər olub.

***

İstanbulun Küçükçekmece rayonunda dördmərtəbəli bina uçub.

Hadisə yerinə yanğınsöndürmə briqadaları və təcili yardım qrupları göndərilib.

Kartaltəpə məhəlləsində baş verən hadisədə dağıntılar altında qalanların olduğu bildirilir.

Hazırda axtarış-xilasetmə işləri davam edir.

Poliqon.info