Narışkin Pxenyanda üç günlük səfərdə olub

Poliqon xəbər verir ki. bu barədə Şimali Koreya Mərkəzi Teleqraf Agentliyi (KCNA) məlumat yayıb. Qeyd edək ki, Rusiya tərəfi səfərlə bağlı açıqlama verməyib.

KCNA-nın məlumatına görə, səfər zamanı Sergey Narışkin KXDR-in dövlət təhlükəsizliyi naziri Li Çan De və departamentin digər nümayəndələri ilə danışıqlar aparıb. Tərəflər Koreya yarımadası və Rusiya ətrafındakı vəziyyəti, habelə Rusiya ilə KXDR arasında əməkdaşlığın gücləndirilməsini müzakirə ediblər.

Qeyd edək ki, martın 19-da nazir müavini Andrey Malışevin başçılıq etdiyi Rusiya Mədəniyyət Nazirliyinin nümayəndə heyəti KXDR Mədəniyyət Nazirliyinin dəvəti ilə Pxenyanda olub. Səfər KXDR və SSRİ arasında iqtisadi və mədəni əməkdaşlıq haqqında sazişin 75 illiyinə təsadüf edib.

Poliqon.info