Gürcüstanda hakim Gürcü Arzusu - Demokratik Gürcüstan Partiyasının liderlərindən biri olan Mamuka Mdinaradze prezident Salome Zurabişvilini patriarx II İliyaya hücumda ittiham edib...
Poliqon xəbər verir ki, buna səbəb ölkə liderinin Gürcü Pravoslav Kilsəsində yaranmış çətin vəziyyətə patriarxın səbəb olduğu barəsə açıqlaması olub.
"Fakt göz qabağındadır, xanım Zurabişvili patriarxa hücuma keçib. O patriarxın zəifliyindən danışır və patriarxiyada avropapərəst və rus hakimiyyəti arasındakı fərqə kontekstdə işarələr verir. Bu, yumşaq desək, çirkinlikdi. Əgər siz bunu şərh etsəniz, yalnız bu sözü işlədə bilərsiniz. Çünki o, radikal müxalifətin yalnız bir hissəsinin - bir neçə nəfərin dediyini özünə rəva bilir", deyə Mdinaradze vurğulayıb.
Gürcüstan prezidenti bildirib ki, gürcü pravoslav kilsəsində vəziyyət mürəkkəbdir və bunun əsas səbəblərindən biri patriarxın zəifliyidir. O, həmçinin qeyd edib ki, o, gürcü kilsəsinin rusiyapərəst yox, gürcü və avropapərəst patriarx seçə biləcəyinə inanır.
Poliqon.info