ABŞ Ukraynaya silah göndərmək üçün yeni plan hazırlayır...

Poliqon xəbər verir ki, bu barədə The New York Times qəzeti məlumat yayıb. Rəsmilərin nəşrə dediyinə görə, Bayden administrasiyası Kiyevə çox ehtiyac duyulan silah və sursatları Pentaqonun anbarından təmin etməyi düşünür.

Mənbələr NYT-yə bildiriblər ki, belə bir addım, Konqresin daha böyük hərbi yardım paketini təsdiq edənə qədər Ukrayna silahlı qüvvələrinin dayanmasına kömək etmək üçün qısamüddətli tədbir olacaq.

Pentaqonun ehtiyatlarından yenidən istifadə edib-etməmək məsələsini nəzərdən keçirərkən administrasiya həm siyasi riskləri, həm də ABŞ ordusunun hazırlığı ilə bağlı sualları nəzərə alır.

Bəzi rəsmilər Pentaqonun ehtiyatlarından istifadənin Kiyevə uzunmüddətli yardım paketi üçün Konqresə təzyiq göstərəcəyindən narahatdırlar.

Hərbi rəsmilər yaşıl işıq yanan kimi təcili olaraq Ukraynaya artilleriya sursatları, hava hücumundan müdafiə vasitələri və digər silahları çatdırmağa hazır olduqlarını bildiriblər.

Poliqon.info