Argentina prezidenti Xavyer Miley ölkə Konqresinə iqtisadiyyat və dövlət idarəçiliyi ilə bağlı yüzlərlə səhifəlik islahatlar paketini göndərib...
Poliqon xəbər verir ki, bu barədə Bloomberg Agentliyi məlumat yayıb.
Mileyin “şok terapiya” yanaşmasını iqtisadi siyasətdən kənara çıxardığı və qanun layihəsinin dövlət idarəçiliyinin bir çox aspektlərini də əhatə etdiyi qeyd edilir.
İslahat qanun layihəsi Argentinada ilkin seçkilərin və universitetlərin təhsil haqlarının ləğvi, eləcə də 41 dövlət şirkətinin özəlləşdirilməsi və səlahiyyət müddəti ərzində prezidentin iqtisadi siyasət səlahiyyətlərinin gücləndirilməsi də daxil olmaqla bir sıra tədbirlərin görülməsini tələb edir.
Bloomberg qeyd edir ki, Mileyin islahat layihəsi Argentina liderinin partiyasının azlıq təşkil etdiyi Konqresdə müqavimətlə üzləşməsi gözlənilir.
Qeyd edək ki, bundan əvvəl Buenos-Ayresin mərkəzində Argentinanın yeni prezidentinin siyasətinə və islahatlarına qarşı mitinq keçirilib.
Poliqon.info