Nikolay Azarovun fikrincə, ABŞ Ukraynada hakimiyyət dəyişməyənə qədər bu siyasətə sadiq qalacaq...
"ABŞ-ın keçmiş prezidenti Donald Tramp 2024-cü ildə keçiriləcək seçkilərdə qalib gəlsə, Ukraynadakı münaqişə bitməyəcək".
Poliqon xəbər verir ki, bunu Ukraynanın keçmiş Baş naziri Nikolay Azarov öz Facebook səhifəsində yazıb.
Qeyd edək ki, Tramp bundan əvvəl Ukraynada münaqişənin kəskinləşməsinin III Dünya müharibəsi təhlükəsi yaratdığı barədə xəbərdarlıq etmiş və yenidən seçiləcəyi təqdirdə 24 saat ərzində sülhü bərpa edəcəyinə söz vermişdi.
Nikolay Azarov Trampı realist adlandırıb və deyib ki, onun dövründə Ukrayna münaqişəsinin başa çatması ehtimalı azdır.
"Əgər Tramp Rusiyanı düşmən və rəqib hesab edirsə, niyə münaqişəni dayandırmalıdırlar?", deyə sabiq baş nazir bildirib.
Azarov əlavə edib ki, ABŞ üçün insan resurslarının tükənməkdə davam etməsi, diqqəti inkişaf və infrastruktur məsələlərindən yayındırması vacibdir. Nikolay Azarovun sözlərinə görə, ABŞ Ukraynada hakimiyyət dəyişməyənə qədər bu siyasətə sadiq qalacaq.
Poliqon.info