İsveçrə Rusiyaya qarşı 12-ci sanksiyalar paketinə qoşula bilər

Poliqon xəbər verir ki, bu barədə "İzvestiya" qəzeti məlumatlı mənbəyə istinadən məlumat yayıb.

Mənbənin sözlərinə görə, İsveçrə əvvəlki kimi bütün hərəkətlərində Avropa İttifaqının ardınca gedəcək və Rusiya Federasiyasına qarşı 12-ci sanksiyalar paketini tam qəbul edəcək. Qəzetin həmsöhbətinin sözlərinə görə, İsveçrə hakimiyyəti bəzən istisnalar edir, lakin onların tətbiq etdiyi sanksiyalar həmişə təxminən eynidir.

Moskva Dövlət Universitetinin Dövlət İdarəçilik fakültəsinin Siyasi təhlil kafedrasının dosenti Aleksandr Konkov qeyd edib ki, İsveçrənin qəbul etdiyi qərarlar, şübhəsiz ki, ölkəni xarici siyasətdə ənənəvi neytral mövqedən kənara çıxarır. Ekspert vurğulayıb ki, bir çox isveçrəli siyasətçilər bu cür hərəkətlərin həm iqtisadiyyata, həm də ölkənin imicinə vurduğu zərəri anlayır və buna görə də ənənəvi neytrallıqdan uzaqlaşmağın nəticələri barədə getdikcə daha çox düşünürlər.

Konkov İsveçrənin Rusiyaya qarşı bank sirrini açmaq və ya aktivləri müsadirə etmək məqsədi daşıyan sanksiyalara qoşulması ehtimalının az olduğu qənaətindədir.

Poliqon.info