BMT münaqişə tərəflərinə Qəzzədəki vəziyyətin nizamlanması planını təklif edib

BMT Qəzza zolağında qırğınların davam etməməsi üçün Yaxın Şərqdə münaqişə tərəfləri və onlara təsir edə biləcək ölkələr üçün on bəndlik fəaliyyət planı təklif edib.

Poliqon xəbər verir ki, bunu təşkilatın Baş katibinin humanitar məsələlər üzrə müavini Martin Qriffits deyib.

“Qəzzadakı qətliam hər gün yeni dəhşət səviyyəsinə çatdıqda, dünya xəstəxanaların atəşə tutulmasını və bütün əhalinin əsas sağ qalma vasitələrindən məhrum olmasını şok içində seyr etməyə davam edir”, deyə BMT rəsmisi bildirib.

Plan, digər məsələlərlə yanaşı, humanitar yardımla karvanların axınının asanlaşdırılmasını, digər keçid məntəqələrinin açılmasını, yanacağın çatdırılmasına icazə verilməsini və humanitar yardımın paylanmasına mane olmamağı təklif edir.

Qeyd edək ki, BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) Qəzza zolağında həyata keçirdiyi humanitar əməliyyat enerji resurslarının çatışmazlığı səbəbindən dayandırılacağı haqqında məlumat yayılmışdı. Agentlik üç həftə əvvəl yanacaq ehtiyatlarının sürətlə tükənməsi və onun çatışmazlığının missiyanın fəaliyyəti üçün fəsadları barədə xəbərdarlıq edib.

Poliqon.info