Avropa Parlamentinin (AP) sədri Roberta Metsola hesab edir ki, Avropa İttifaqının (Aİ) mövcud iqtisadi modeli təşkilatın genişlənməsindən sağ çıxmayacaq...
Poliqon xəbər verir ki, sədr bu barədə The Guardian qəzetinə müsahibəsində danışıb.
“Əlbəttə, bugünkü iqtisadi modelimiz 32 və ya 33 üzv dövlətlə yaşaya bilməz. İndi bu barədə danışmağın lazım olduğu məqamdır. Biz artıq parlamentdə işə başlamışıq”, deyə Metsola bildirib.
AP rəhbəri qeyd edib ki, Avropa İttifaqına üzv olmaq üçün müraciət edən ölkələrin üzvlükdən bəzi üstünlüklərdən yararlanmaq üçün gözləməyə ehtiyacı yoxdur.
"Söhbət azad rouminqdən, ticarət maneələrinin aradan qaldırılmasından, həmçinin fondlara və universitetlərə girişdən gedir", deyə Metsola vurğulayıb.
Bundan əvvəl Avropa İttifaqı Şurasının prezident Şarl Mişel bildirib ki, İttifaq 2030-cu ilə qədər genişlənməyə hazır olmalıdır:
“Aİ-nin növbəti strateji gündəmini hazırlayarkən qarşımıza aydın məqsəd qoymalıyıq. Biz hər iki tərəfdən 2030-cu ilə qədər genişlənməyə hazır olmalıyıq”.
Poliqon.info
Digərxəbərlər
Populyar xəbərlər
