Erməni ekspert hesab edir ki, son hadisələr Moskvanın proseslərə təsirini tədricən itirdiyini göstərir...
“Cənubi Qafqaz regionunda Rusiyanın iştirakı olmadan, NATO-nun və ilk növbədə onun şərq “qayası” olan Türkiyənin fəal iştirakı ilə yeni davranış modeli yaradılır”.
Poliqon xəbər verir ki, bunu erməni politoloq Sergey Melkonyan deyib.
Ekspert qeyd edib ki, Kollektiv Təhlükəsizlik Müqaviləsi Təşkilatının Ermənistana missiya göndərməyə hazır olmasına baxmayaraq, İrəvan Ankara ilə telefon danışığı vasitəsilə gərginliyi azaltmağa çalışıb:
“Ermənistan rəhbərliyi Nikol Paşinyanın bu yaxınlarda irəli sürdüyü, respublikanın təhlükəsizlik sahəsində yalnız bir mərkəzdən asılılığının səhv olduğu konsepsiyasını həyata keçirməkdə davam edir. Və əgər qısa müddətdə İrəvan regionda gərginliyi neytrallaşdıra, Moskvanın iştirakı olmadan Azərbaycanla sərhəddə yeni eskalasiya təhlükəsini aradan qaldıra bilsə, onda belə çıxır ki, Ərdoğanla telefon danışığı bunu mümkün edib”.
Melkonyan Ermənistanla Rusiya arasında hərbi və hərbi-texniki proqramların tədricən məhdudlaşdırılmasını qeyd edib. Hazırda Hindistan əsas hərbi-texniki tərəfdaş kimi Rusiyanı tədricən əvəz edir, İrəvanı əsasən NATO parametrlərinə uyğun silahlarla təmin olunur.
Poliqon.info
Digərxəbərlər
Populyar xəbərlər
