Rusiyanın kənd təsərrüfatı məhsullarının ixracına maneələrin aradan qaldırılması üçün Qərbin zəmanəti şərti ilə Moskvanın “taxıl müqaviləsi”nə qayıtmasına ümidlər var...
Poliqon xəbər verir ki, bu barədə “RİA Novosti” Agentliyi danışıqlarda iştirak edən Ankaradakı mənbəyə istinadən məlumat yayıb.
Mənbənin sözlərinə görə, Ankara Qərb tərəfdaşlarından məhz təminat istəyir, lakin indiki mərhələdə heç bir proqnoz vermək mümkün deyil:
“Qərb ölkələri ilə “Qara dəniz taxıl təşəbbüsü”nün işini necə bərpa etmək barədə bir sıra danışıqlar aparılır. BMT-nin koordinasiya etdiyi prosesin təfərrüatlarına varmaq istəmirəm, lakin çox aktiv, ciddi iş gedir”, deyə mənbə bildirib.
Mənbə bildirib ki, vəziyyət tamamilə Qərbin Rusiya ixracına maneələri aradan qaldırmağa hazır olmasından asılıdır.
Bundan əlavə, mənbənin sözlərinə görə, Ankara yaxın gələcəkdə Moskva ilə ən yüksək səviyyədə ehtiyacı olan ölkələr üçün ərzaq məhsullarının çatdırılması və emalının konkret variantlarını müzakirə etməyi planlaşdırır. Artıq bu məsələ ilə bağlı bəzi inkişaflar var.
Poliqon.info