AP: Stoltenberq Ərdoğanı razı sala bilməyib...

İki ölkə fikir ayrılıqlarını həll etmək üçün bir həftə sonra yenidən görüşəcək.

Poliqon xəbər verir ki. Bu barədə Associated Press Agentliyinin məlumatında bildirlir.

Agentlik yazır ki, NATO iyulun 11-12-də Litvada keçiriləcək sammitə qədər İsveçi blokun bir hissəsi kimi qəbul etməyə ümid edir. Lakin Türkiyə və Macarıstan İsveçin Alyansa üzvlüyünü hələ təsdiq etməyib.

Xatırladaq ki, NATO-ya üzv olan bütün ölkələr namizədin üzvlük protokolunu yekdilliklə ratifikasiya etməlidir.

Qeyd edək ki, dünən Ərdoğanla görüşündən sonra NATO-nun Baş katibi Yens Stoltenberq bildirib ki, İsveç artıq Aİ-yə daxil olmaq üzrə üzərinə götürdüyü öhdəlikləri yerinə yetirib. Baş katib qeyd edib ki, İsveç höküməti terrorla mübarizə qanunlarını sərtləşdirib, konstitusiyaya düzəlişlər edib və Türkiyəyə qarşı silah embarqosunu ləğv edib.

İsveç və Finlandiya Ukraynaya geniş miqyaslı rys təcavüzünün başlamasından sonra Rusiya tərəfindən hədəf alınacağından qorxaraq ənənəvi hərbi neytrallıq mövqeyindən imtina etdilər.

Xatırladaq ki, Stoltenberqin Ərdoğanla danışıqları dünən İstanbulda baş tutub. Həmin görüş ərəfəsində lakin Stokholmda yüzlərlə etirazçı toplaşıb. Onların arasında kürd təşkilatları, solçu qruplar, gənclər və iqlim fəalları, İsveçin yeni antiterror qanunlarına qarşı çıxanlar və media azadlığını müdafiə edənlər olub.

Stoltenberq qeyd edib ki, toplaşmaq və ifadə azadlığı qorunmalıdır. Amma o, həmçinin qeyd edib ki, etirazların təşkilatçıları NATO-nu zəiflətmək istəyirlər.

Poliqon.info