Netanyahu MAQATE-ni İrana təslim olmaqda ittiham edib...

İsrailin Baş naziri Benyamin Netanyahu Beynəlxalq Atom Enerjisi Agentliyinin (MAQATE) Fordo nüvə obyektində uranın 83,7 faiz zənginləşdirilməsi ilə bağlı təhqiqatı bağlamaq qərarına görə qurumun İran hakimiyyətinə təslim olmasına işarə edib.

Poliqon xəbər verir ki, bu barədə iyunun 4-də The Jerusalem Post nəşri məlumat yayıb.

“İran MAQATE-yə yalan danışmağa davam edir. Agentliyin İranın təzyiqinə təslim olması onun reputasiyasında qara ləkədir”, deyə nəşr Netanyahudan sitat gətirir.

Baş nazir qeyd edib ki, MAQATE nümayəndələrinin davranışı İranı məsuliyyətdən azad edir. İran isə beynəlxalq ictimaiyyəti aldatmaqda davam edir.

Bundan əlavə, Netanyahu bildirib ki, MAQATE siyasi təşkilata çevrilərsə, o zaman onun İrandakı nəzarət fəaliyyəti, eləcə də ölkənin nüvə fəaliyyəti ilə bağlı hesabatlar əhəmiyyət kəsb etməyəcək.

Poliqon.info