Rusiyanın dağılan nüvə mifi...

İyunun 1-nə keçən gecə Kiyev səmasında 10-dan artıq “İsgəndər” raketinin vurulması Rusiyanın nüvə gücü ilə bağlı növbəti mifi dağıtdı.

Poliqon xəbər verir ki, bunu Almaniyanın BILD nəşrinin hərbi eksperti Culian Röpke deyib.

Röpkenin dediyinə görə “İsgəndər” raketləri 800 kq-a qədər partlayıcı daşıyan 4 ton ağırlığında nəhəng döyüş başlıqlarıdır. Hər bir raketin qiyməti 2 milyon avroya çatır. Qərb kompleksləri “Patriot” və “İris-T” onları cəmi bir neçə kilometr məsafədə vura bilib.

Nəticədə vurulandan sonra da onların parçaları insanlara ziyan vurur. Röpke onları hərbi hədəfləri vurmayan, lakin “tamamilə təsadüfən mülki obyektlərə düşən” “canavar raketlər” adlandırır.

Ekspert qeyd edir ki, “İsgəndər” raketlərinin ilkin nəzəri məqsədi 400 km-ə qədər məsafəyə nüvə yüklərinin çatdırılması, yəni NATO ölkələrinə zərbələr endirilməsi idi. Kiyev səmasında bütün raketlərin vurulması onu deməyə əsas verir ki, nüvə müharibəsi baş verəcəyi təqdirdə Kalininqrad vilayətindən buraxılan “İsgəndər” başlıqları Polşa səmasında vurulacaq və Berlin və Varşavaya çatmayacaq.

İyunun 1-nə keçən gecə rus qoşunları Kiyevə yeddi “İsgəndər-M” ballistik raketi və beş “İsgəndər-M” qanadlı raketi ilə hücum edib. Ukraynanın hava hücumundan müdafiə sistemləri bütün raketləri vurub və onların fraqmentləri yaşayış məntəqələrinə düşüb.

Poliqon.info