Avropa Komissiyası (AK) növbəti dörd il üçün Kiyevə maliyyə yardımı planı üzərində işləyir...
Poliqon xəbər verir ki, bu barədə Financial Times Avropa İttifaqının rəsmiləri və diplomatlarına istinadən məlumat yayıb. Nəşr qeyd edir ki, bu plan Ukraynanın 2027-ci ilə qədər ehtiyaclarını ödəyəcək.
Plan Kiyevə onlarla milyardlarla avro məbləğində yardımı nəzərdə tutur. Nəşrin məlumatına görə, hazırda layihə üzərində iş gedir. Bununla belə, Avropa Komissiyasının bu mövzuda təklifləri iyunda hazır ola bilər.
Nəşr qeyd edir ki, yeni plan təsdiq olunarsa, vəsait Kiyevin büdcə dəstəyinə və ya Ukraynanın bərpası xərclərinə sərf oluna bilər.
Maliyyə yardımının göstərilməsi ayrılan vəsaitlərin istifadəsinə düzgün nəzarətdən və Ukraynada islahatların aparılmasından asılı olacaq.
Qeyd edək ki, may ayının sonunda Avropa Komissiyası Ukraynaya makromaliyyə yardımının dördüncü tranşını göndərib. Bu tranşın məbləği 1,5 milyard avro təşkil edib.
Poliqon.info