May ayında Rusiya Ukrayna ərazisinə ümumi dəyəri təxminən 1,7 milyard dollar olan 500-dən çox raket və kamikadze PUA atıb...
Poliqon xəbər verir ki, bu hesablamanı “Kyiv Post”un jurnalistləri aparıb. Nəşr yazır ki, bu raketlərin və PUA-ların demək olar ki, 90%-i Ukrayna hava hücumundan müdafiə qüvvələri tərəfindən zərərsizləşdirib.
Nəşr Ukrayna Baş Qərargahının rəsmi hesabatlarına əsaslanaraq, bir ay ərzində Rusiyanın ölkə səmasında “Şahed-136” tipli 401 kamikadze pilotsuz uçan aparatı atdığını, onlardan 362-nin və ya 90%-dən çoxunun hava hücumundan müdafiə qüvvələri tərəfindən vurulduğunu hesablayıb.
Belə bir dronun qiyməti təxminən 20.000 dollardır, buna görə də onların istifadəsi Rusiyaya ən azı 8 milyon dollara başa gəlib.
Rusiya həmçinin Ukraynaya qarşı bir neçə növ hava, dəniz və quru raketlərindən istifadə edib:
“X-101-555” raketləri - 114 buraxılış, 106-sı vurulub (93%), təxmini dəyəri 1,48 milyard dollar;
“Kalibr” raketləri - 29 buraxılış, 26-sı məhv edilib (90%), təxmini dəyəri 155 milyon dollar;
“Xəncər” raketləri - 7 buraxılış, 7-si də məhv edilib (100%), təxmini dəyəri 28 milyon dollar;
“İsgəndər” və S-400 raketləri - 16 buraxılış, 16-sı da məhv edilib (100%), təxmini dəyəri 48 milyon dollar;
“X-22” raketləri - 5 buraxılış, 5-i də məhv edilib (100%), təxmini dəyəri 5 milyon dollar;
“S-300” raketləri - 12 buraxılış, 5-u məhv edilib (40%), təxmini dəyəri 5 milyon dollar;
Digər idarə olunmayan raketlər - 7 buraxılış, 7-si də məhv edilib (100%), dəyəri bilinmir.
Nəşr qeyd edir ki, “Şahed”in ən kütləvi hücumları mayın 27-28-də Rusiyanın Ukrayna səmasında 54 pilotsuz uçan aparatı atdığı vaxt olub və bunun da 96,3%-i vurulub. Mayın 28-29-da ümumilikdə 86 raket və pilotsuz uçan aparat atılıb ki, bunun da 89,5%-i məhv edilib.
Poliqon.info